Sugal=Gamble
18 November 2005
SUGAL ang talinhaga ng metapora ng aking buhay. Mga pagkakataong ang sarili mismo ang itataya nang walang kasiguruhang kapalit. At dahil mas madalas ang talo samantalang madulas ang panalo, mapipilitang ituloy ang laban sa laro na ang tanging alituntunin ay "WALANG SUSUKO". Nananalig ako na dadapo rin ang mailap na 'swerte'.
Life is a GAMBLE. But in my world, no luck nor omen exists. Despite the overwhelming flood of setbacks, a glaring fact sticks out-- I am grounded by faith. Thank God for this and more (first of all is sanity, then health, family, friends, love, hope, and finally the tiny drop of joy left of me). And praise God I'm still breathing!
exhaled by milbenski at 3:25 AM
|
Panaghoy ng Lupa
17 November 2005
LAPIDA
Ang lupang nilagpakan ba'y
sagana sa patabang aayuda
sa aking pagsibol o
isa itong kumunoy na unti-unting magbabaon
sa lalim ng anim na talampakang alabok?
MADUMING JEREMIAD
At dahil sa walang habas mong
ingudngod sa aking pagmumukha
na ang paligid ko'y nabubulok,
ako ay naniwala't naghapis.
Di mo batid na matagal ko nang napagtanto
na ang kalagayan ko ay tae.
Pinilit kong pabanguhin
subalit pagbali-baligtarin man
tae pa rin--
perwisyo sa tatanga-tanga,
biyaya naman sa tigang na lupa.
exhaled by milbenski at 10:31 AM
|
